Grænaborg
Foreldraráðsfundur 5. janúar 2010 kl. 16:00
Mætt: Ragnheiður, Fanný, Hannes, Einar, Harpa og Gerður.
Komust ekki: Ari, Þóra, Sigrún.
1. Fundartími
Ákveðið að fundir hefjist framvegis kl. 16:15 – 17:00, fyrsta þriðjudag í hverjum mánuði.
2. Innheimta foreldrafélagsgjalds
Nú hafa 52 greitt en 31 á eftir að greiða. Eindagi er 20. janúar og búist við að margir greiði fyrir þann tíma. Ragnheiður gjaldkeri fái upplýsingar um börn sem hafa hætt svo hægt sé að taka þau út fyrir seinni hluta gjaldsins sem verður innheimt í mars. Fara yfir á næsta fundi hvernig fjármunum verður varið, skoða forgang og hverju má breyta. Rætt að draga úr eða hætta tímabundið með fyrirlestra fyrir foreldra, m.a. sökum dræmrar mætingar. Gerður nefndi sem dæmi að það mætti huga að endurnýjun tækja s.s. teygju í trampólínið í salnum.
3. Sumarleyfi
Leikskólaráð borgarinnar leggur til að leikskólar taki ekki inn börn fyrr en eftir sumarleyfi starfsfólks. Reiknað er með að á Grænuborg verði lokað í 4 vikur í sumar eins og í fyrra en fyrst fari fram könnun meðal foreldra um hvaða tímabil fólk vilji. Meiri hagræðing í rekstrinum að loka leikskólanum alveg samfellt.
4. Staða starfsmannamála
Gerður sendi út fjöldapóst til foreldra í gær, þar kom m.a. fram að beðið væri eftir leyfi til að ráða í eitt stöðugildi. Það leyfi kom í morgun og er þegar hafin vinna við að ráða í stöðuna. Skólinn verður því fullmannaður starfsfólki.
5. Önnur mál
· 22. janúar næstkomandi verður skólinn lokaður vegna starfsmannadags.
· Umferðarmál: Einar hringdi í lögregluna og ræddi við hana um hversu óhress við værum með hraðann á Eiríksgötu við leikskólann vegna nálægðar umferðarinnar við húsið. Lögreglan tók mjög vel í að mæla hraðann við götuna og mun Einar fylgja málinu eftir. Einnig rætt að Gerður sæki um hjá borginni að fá skilti þar sem verður sérstaklega merkt að bannað sé að leggja bílum í „rennuna“ fyrir framan leikskólann á þeim tímum sem foreldrar koma með og sækja börnin, slíkt þekkist víða við leikskóla borgarinnar.
Næsti fundur 2. febrúar kl. 16:15
Fleira ekki tekið fyrir á fundi. Harpa ritaði fundargerð.